Panka Ankuyanki Print

Ñawpa pachapi shuk warmimi yanunapi tiyashka. Chaymantaka chay warmika yanunapi tiyarishpaka, yanunatullparumi kuchuta alli mayllak kashka.Chashna mayllakukpika, shuk hatun kuyka llukshishka; llukshishpaka chay warmipi katirishka. Shina katirishpaka paypak anakuta mikushka. Chaymantaka tukuyta yanushpa, anakuta mikushkata rikushka. Payka mancharishpa: -Imatak ñuka anakuta mikurkari, nishpa mancharishka nin. Chaymantaka, anakuta paskarishka; shina paskashpaka, kuykata hapishpaka, chay kuykataka paypak wasi ukullapitak kachrishka. Kutin yanukukpika chay warmika kusa yanunapi tiyarishka nin: -Ima nishpatak ñuka warmika tullpa rumitaka mayllashpa tiyarinata yahan; ñukapash pay shinallatak mayllasha, nishpaka. -¡Mayllak tiyarishka!, nin. Shina ña tukuy mayllashka washaka chay kuykallatak llukshirishka. Chay kuykaka paypak churana ukuta katirishka. Shina katikpika, chay runaka manchanayta piñashpa chay kuykata hapishpaka uchuta rurashpa karashka nin paypak warmiman, chaymantami wakin uchukuna piña ninchik. Kashnami kay rimayka tukurin.

Print:Giclee on Fine Art Paper

Size:8 W x 12 H x 0.1 D in

Size with Frame:13.25 W x 17.25 H x 1.2 D in

Delivery Time:Typically 5-7 business days for domestic shipments, 10-14 business days for international shipments.